＊＊＊＊＊＊謝謝大家支持！由於時限已到，是之活動截止報名。＊＊＊＊＊＊＊
Nuffnang好戲連場！繼上次請大家睇「3D綠燈俠」後，今個夏天又再為大家帶嚟最搞嘢嘅漫畫改編作品─《D+偵探：吸血‧人狼‧喪屍城》的「Wee嘩鬼叫優先場」！
全城最紅嘅「屍家」偵探D哥，專門偵破鬼靈精怪嘅棘手奇案；但佢今次終於遇上難題！話說靚女伊莉莎伯嘅老豆被殺，諗住搵D哥幫手破案。以為可以「神速」搞掂嘅Easy Job，竟然觸發起殭屍、人狼、喪屍三族互相猜忌，一場妖魔界大混戰如箭在弦！最慘係爛Gag助手孖吉又無端俾喪屍咬死，變埋活死人四圍惹麻煩…愈查愈離奇，莫非有人搞事要令滅世魔王破印重生？一大堆問題，就等D哥帶齊各式獵魔架生，直闖「活死人凶間」搞掂班大怪物！
大家可以Click入下面條Link睇埋預告片！
睇完預告片覺唔覺得好吸引呢? 依家我地再講下究竟搞乜鬼!
D哥身處嘅新奧爾良城，可謂百鬼橫行。你聽過嘅妖魔鬼怪乜都有，以下就係幾種經常圍繞D哥身邊嘅妖怪種類，各有特色：
喪屍
全天候24小時都可以自由活動。喺喪屍世界，「洗地水係香體露，洗衣粉當番梘用」。智商低，性格膽小怕事，但天生係掘地專家。平日只敢偷死屍嘅殘肢嚟用；亦只可以食屍蟲、蚯蚓當食糧。
吸血殭屍
入黑時份就係佢哋嘅世界。頭腦靈活，更加識得飛天爬牆；身上嘅血更加可以令人類長生不老，令佢哋上癮。
人狼
分為多個唔同黨派。新奧爾良城中就有4大家族聚居。攻擊力強，身手敏捷；最鍾意藏身樹林當中，作掩護攻擊。現存大多數人狼，都擁有自由控制變身嘅能力。
以上設定係咪好過癮呢？各位Blogger如果想快人一步睇到呢套搞笑到震嘅猛片，只需要喺七月十五日下午五時前，嚟到我地呢個Post填妥下面嘅參加表格，之後在Post內留言寫上自己條Blog link，再講低自己如果有機會最想變成「喪屍」、「吸血疆屍」定「人狼」並加上你的原因，寫得最搞笑*的二十位Blogger就可以免費獨得《D+偵探：吸血‧人狼‧喪屍城》優先場戲票乙張，結果將於七月十八日公佈！
放映資料：
名稱：《D+偵探：吸血‧人狼‧喪屍城》
日期：二零一一年七月二十二日
時間：9:30 p.m.
播放影院: 豪華戲院(Dynasty Theatre)
參加資格: Nuffnang註冊Blogger
*是次活動將邀請洲立影片發行(香港)有限公司之相關人士作為評審，參加者不得異議。
如有任何問題，可前往www.nuffnang.com.hk或電郵至 kevin.cheuk@nuffnang.com查詢